TVB剧集《巾帼枭雄之悬崖》热播中，桂花香（陈晓华饰）和韦豪（罗天宇饰）呢对分隔异地后重逢嘅青梅竹马恋人故事备受关注。不过，杀出个程咬金戴耀明？昨日（27日），《巾帼枭雄之悬崖》举办宣传活动，饰演罗天宇兄弟嘅戴耀明于台上公开大讚陈晓华几正：「真人同角色，我望到都会硬晒」。

戴耀明解释指，佢所讲嘅係拳头硬晒：「感觉佢係俾到我好强烈想去佔有佢啰，所以好快入到戏啰。」日前剧情讲述，戴耀明对陈晓华一度霸王硬上弓，幸好罗天宇及时英雄救美，同时警告佢唔可以搞陈晓华。对于呢一幕，戴耀明直言拍嗰时好尴尬，但係陈晓华好专业，叫佢大力啲揽，唔需要就住。戴耀明又再感谢陈晓华：「多谢，晓华！令我好快入戏。晓华多谢你，希望下次可以搞到，今次搞唔到。」笑到在旁嘅陈晓华唔知畀咩反应，仲同罗天宇讲：「你学吓讲嘢啦。」

戴耀明接受媒体访问时直言欣赏陈晓华，大讚陈晓华靓女又唔扮嘢。戴耀明过往曾大讚佘诗曼係一个好正嘅女人，又曾自爆试过借醉向佘诗曼示爱，传短讯同佢讲：「我好挂住你。」被问到佘诗曼与陈晓华二选一嘅问题，戴耀明表示各有各正，如果只能拣一个就会拣陈晓华，表示佘诗曼好有气场；喺陈晓华面前就可能以做大男人，保护佢。」

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！