容祖儿江门演出失声 冇唱歌照上台道歉 观众丧嗌回水

生活 264℃ 0
近年主力内地发展嘅容祖儿，周六（2日）晚喺家乡江门出席名为《星耀湾区演唱会江门站》嘅演出，同杨宗纬等歌手一齐演出，不过近期身体抱恙嘅祖儿终于顶唔住，即使上台现身但就未能演唱，仲要同观众道歉。容祖儿近期抱恙，但仍有好多演出工作要现身根据内地网民发文及现场片段，声沙沙嘅容祖儿喺台上表示自己因病失声，感激主办单位嘅体谅，同埋观众对佢嘅支持。祖儿话希望下次有机会可以「双倍奉还」为大家送上靓歌，并且欢迎佢再次返家乡。随后舞台上播出祖儿嘅《我的骄傲》国语版《挥着翅膀的女孩》，并且向台下观众挥手，之后就返后台，全程大约十几分钟。因为失声，容祖儿只能上台同家乡江门嘅歌迷挥手打招呼虽然见到容祖儿真人，不过唔少内地歌迷话係为祖儿慕名而来，先至会买飞睇呢个由几位歌手合演嘅「拼盘show」，甚至认为祖儿先係最大卖点，因此不满主办单位安排。而现场更有唔少观众高呼「退票」。有网民认为祖儿唔係突然失声，点解唔事先宣布，等歌迷同祖儿都唔使白行一趟。内地观众拍嘅片段中，唔少人高叫「退票」的确容祖儿唔係喺江门上台前先病，上周五佢演出《声生不息港乐季2》，有观众爆料指祖儿已经失声，但仍然唱出《心淡》一曲。第二日佢录完节目由湖南长沙赶往怀化参加另一个演出，同样因为失声而未能献唱，只能够上台向观众道歉及挥手。按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看

上一篇

红魔38年最差开季 云佬慨叹未能剎「车」

下一篇

Make Up For Ever官网85折，11.4

相关推荐